Uska Chupke Se Paas Aana Achha Lagta Hai,
Hayaa Se Nazrein Jhukana Achha Lagta Hai,

Fizaayein Bhi Romaani Ho Jaati Hai,
Gesuon Mein Phool Lagana Achha Lagta Hai,

Tej Hawayein Karti Hain Sargoshiyan,
Dupatte Ka Lehrana Achha Lagta Hai,

Barsaat Mein Bheege Badan Kamre Mein Aana,
Naz-O-Ada Se Zulfein Jhatkana Achha Lagta Hai,

Chudiyon Ki Khanak Se Chhaati Hai Madhoshi,
Parde Ke Pichhe Se Bulana Achha Lagta Hai,

Chandni Raaton Mein Jab Aati Hai Chhat Pe Woh,
‘Ishk‘ Ko Chand Ka Chhup Jana Achha Lagta Hai.