Zindagani Ki Baat Na Kar Mere Saamne,
Kaise Karu Baiyan Kaha Itne Shabd Hai .....

Zindagi Se Apni Agar Khush Hua Ho Koi,
Hai Khushnaseeb Vo , Ya To Vo Rab Hai .....

Pani Kya Hota Hai Ye Ret Ne Jana Nahi,
Pani Hota Agar,To Sehra Ka Kya Sabab Hai .....

Fikar Nahi Karta Hu, Apne Maut Ki Kabhi,
Magar Ye Zamane Wale Bhi Bade Ajab Hai .....

Saath Jeene-Marne K Vaade Karte Hai,
Bhul Jate Hai Vo Kasme, Bichadte Jab Hai .....

Kisiko Kam Pad Jati Hai Suraj Ki Roshni Bhi,
Apne Liye To Jugnu Ki Roshni Hi Sab Hai .....

Bohot Kar Liye Hai Tune Pyaar K Vaade,
Tere Pyaar Ki Asli Imtehaan To Ab Hai .....

Paas Rehkar To Rishte Sabhi Nibhate Hai,
Dur Hokar Satane Ka Mazza Bhi Gajab Hai .....

Pyaar Ki Raho Me Na Maang Sirf Gulshan,
Bina Kaato Ka Raasta Kisiko Mila Kab Hai .....

Kyu Kar Raha Hai Pyaar Ki Jhuthi Baatein.
Nafrat Se Bhara Pyaala Piya Tune Jab Hai .....

Dil Todne Ki Izazat De Vo Kaunsa Mazhab Hai,
"Abhi" Teri Zindagi Ka Ye Akhri Sabak Hai !!!!!