Teri Aas thi tu mila nahi,
Meri Jaan tujhse gila nahi..
Tere Dil mein jo raha Der tak,
Wo Shakhs itna Bura nahi..
Mujhe Bhul mat, Aey Dost..
Ye meri Wafa Ka Sila nahi..
Mere DiL pe tera hi Naam hai,
Tu ne aaj tak wo Padha nahi...





Ab Jo Bikhray To Bikharnay Ki Shikaayat Kaisi?
Khushk Patton Ki Hawaon Se Rafaqat Kaisi?

Mainay Har Daur Main Bas Us Se Mohabbat Ki Hai
Jurm Sangeen Hai Ab Is Main Riyayat Kaisi?

Hota Hei Ik Patta Bhi Jab Shaakh Se Juda
Kya Kahoon Dil Pe Guzarti Hai Qayamat Kaisi?

Zindagi Tujhko To Lamhon Ka Safar Kehtay Thay
Raah Main Aa Gayi Sadiyon Ki Musafat Kaisi?

Hawa K Dosh Pe Rakkhay Hue Chiragh Thay Hum
Jo Bujh Gaye To Hawaon Se Shikaayat Kaisi?