Taaraon ki galiyon me
Wahin ek nukkad per
Chandini rehti thi akeli..
Na koi sathi na saheli..

Intezar me rehti wo apne suraj ke aane ka..
apne astitva ko usi me mitane ka..

Her roz suraj ata
Ek nazar bher ke bhi usko na takta
Bas muh fer ker khada ho jata
Itna ghamandi..
Itna kurur
Apne roshan hone ka itna surur??

Chandini sochti ,
apni aag me jal ker thak gaya hoga wo,
To sheetalta degi usko..
Magar wo to jal jal ki hi khush tha
Apni gaurav gatha sun-sun ker badmast tha

Chandini bechari raat bher jag jag ke
Jalti rehti apni hi prem agan me
Suraj her shaam saagar ke anchal me chhup jata
Leheron ki bahon se lipat jata
Khaare paani me ghul jata

Darti ki pyaar na ho uska badnaam
Uski jagah roshan kerti zameen asmaan
Yunhi prem ka kerti pura wo farz
per kya chuka apyega suraj kabhi ye karz?

Umr beeti uski isi intezar me
Thaki nahi fir bhi wo is ek tarfa pyaar se..
Per suraj ko ehsaas nahi..
Anjaan ajnabi pyaar ka abhaas nahi..

Chahe daag ho us chanda me
Chahe kamzor ho uski roshini
Prem ki takat hai usme…
Thandak de sakti hai chandini

To suraj se keh do
Kyun wo itna itarata hai..
Prem ko her dum kyun thukrata hai

Kyun sahe zillat itni
Kyun khaye thokar her baar..
Jab chandini ka gum hudd se guzar jata hai..
chanda ke hi karan
Tab grahan suraj ko lag jata hai…